حكاية خمسة فنانين مخبيين إنهم مسيـحيين

هيدي كرم مسيحية واطلقت من جوزها.. وعايدة رياض وأختها اتجوزوا مسلمين.. وماجد الكدواني بيروح المساجد كتير.. وهاني سلامة مفاجأة كبيرة..
حكاية فنانين مخبيين إنهم مسيحيين

ناس كتير مفكرة هيدي كرم مسلمة.. وهي عمرها ما اتكلمت عن ديانتها.. لكن الحقيقة إنها مسيحية من شبرا.. ومامتها اسمها جابي مسرة.. وأختها مايان متجوزة واحد اسمه هادي شنودة.
و"هيدي" اتربت إن مفيش فرق بين مسلم ومسيحي.. ومن صغرها متعودة تفطر مع زمايلها في رمضان.. وبالنهار لا بتاكل ولا بتشرب.
و"هيدي" مٌطلقة.. وغالبا جوزها أبو ابنها نديم كان مسلم.
وهي مبيفرقش معاها الموضوع.. 
وف 2018 اتخطبت للمنتج المسلم عصام عبدالعزيز بس محصلش نصيب وسابوا بعض
وعايدة رياض لحد وقت قريب الناس كانت بتتعامل إنها مسلمة.. خصوصا إنه بتدبح في العيد الكبير وبتعشق حلاوة المولد.
لكن من فترة واحد من المعجبين بتوعها من أيام فيلم "الكيت كات" عملها عمرة وحط صورتها بفستان أدام الكعبة 
وهنا خاڤت يحصل فتنة وخرجت وقالت "أنا مسيحية".
و"عايدة" اتجوزت مرة واحدة في حياتها من الفنان المسلم محرم فؤاد.. وأختها "هدي" تبقى مرات الكابتن حسن شحاتة وأم أولاده إسلام وكريم.
وبيتقال إنها أسلمت لكن مش مؤكد.
وزمان في التمانينات عايدة رياض اتمسكت بالغلط في قضية آداب شهيرة.. ووقتها جمهور الأهلى طلع على حسن شحاتة طلع اسم "حسن عايدة" وبقى ينادي عليه بالاسم ده من المدرجات.
والغريب إن أغلب ستات عيلة عايدة رياض متجوزين مسلمين.
أما لقاء الخميسي فـمسلمة.. ومامتها هي اللي مسيحية من العراق. وزيها مي عز الدين ونيللي كريم.... الاتنين مسلمين تبع ديانة الأب والأم مسيحية
ومي أمها مسيحية من إسكندرية.. ونيللي مامتها مسيحية روسية.
والفنان هاني سلامة في فترة كان لابس سلسلة عليها صورة السيدة العذراء مريم فقالوا عنه مسيحي. مع إن اسمه هاني محمد سلامة.. 
ولما اتسأل عن السلسلة قال:
"أنا مسلم وبحب السيدة العذراء وبتفائل بيها.. وكفاية إن ليها سورة في القرآن باسمها".
والمفاجأة الكبيرة كانت في الفنان إبراهيم نصر ملك الكاميرا الخفية.. وحصلت يوم ما ماټ - ربنا يرحمه - والناس لقت الچنازة بتاعته طالعة من الكنيسة.
ونفس الحكاية الفنان الجميل المنتصر بالله.. 
والكل اتفاجىء عشان الاتنين عمرهم ما اتكلموا في موضوع الدين.. وأسمائهم كمان إسلامية أكتر. لكن الحقيقة ده سر جمال مصر وإنك متعرفش تفرق مين مسلم ومين مسيحي.
وأخيرا ماجد الكدواني.. ومحدش عرف إنه مسيحي غير يوم فرح ابنه.. لما اتعمل في الكنيسة.
ومع إنه مسيحي.. أهم مشهد في حياته هو مشهد المسجد في مسلسل موضوع عائلي.. 
ولما اتسأل قال إن من صغره مفيش فرق عنده.. وإن باباه كان مهندس معماري وهو اللي صمم مسجد الدولة في الكويت.. 
وماجد نفسه يعمل مسلسل عن قصة حياة البابا شنودة
وطبعا من الفنانين المعروف من بدري إنهم مسيحيين... هاني رمزي، وإدوارد، ولطفي لبيب، وهالة صدقي، وكارولين عزمي، ويوسف داوود.