قصة أغنى 5 رقاصات فـ مصر
عاهم 2 مليار وعندهم طن دهب وعايشين فـ قصور وفيلل وأقل واحدة فيهم أغنى من مجدي يقعوب!
قصة أغنى 5 رقاصات فـ مصر
👇
الأولى.. دينا
وبتاخد 100 ألف جنيه فـ الساعة. وفـ ليالي راس السنة بتعمل مليون جنيه عشان التسعيرة بتبقى الضعف. والوصلة فـ الفرح بتكون بـ50 ألف ويدوب نص ساعة..
أما فـ الحفلات الخاصة فـ سعرها بيوصل لـ150 ألف
وبالنسبة للعقارات.. عندها بيت في أمريكا.. و3 شقق وفيلا في القاهرة.. وشقتين فـ الساحل الشمالي..
د غير دهب وألماظ بأكتر من 50 مليون. وفلوسها السايلة توصل لـ350 مليون جنيه.
وبتصرف حوالي مليون جنيه في السنة على هدوم الرقص والإكسسوارات
👇
التانية.. فيفي عبده
وفيفي أغنى فنانة ورقاصة فـ تاريخ مصر.. ولما الناس قالولها معاكي فلوس أكتر من كل رجالة البلد ردت وقالت:
"إحنا شقينا أوي بالقرش.. ولما ربنا يباركلنا بيباركلنا لإن إحنا شقيانين بالقرش".
واللهم لا حسد معاها 20 مليون دولار كاش.. يعني حوالي مليار جنيه. وعايشة في فيلا متعرفش تجيب أولها من آخرها..
وعندها ٥ شقق في أرقى منتجعات دبي.. 2 منهم ليها.. واتنين لبناتها.. والخامسة لحفيدتها.
وفوفه اتجوزت 5 مرات.. كلهم عرفي ما عدا جوازة واحدة.. وعندها بنتين..
الأولى: عزة بنتها من جوزها رجل الأعمال السعودي كمال مجاهد.. صاحب الكباريه اللي كانت شغالة فيه.
والتانية هنادي.. وخلفتها من جوزها رجل الأعمال الفلسطيني محمد الدراوي.
وبالنسبة للدهب والألماظ.. فعندها بالكيلوات..
وف مرة اتسرق منها 5 كيلو كانت شيلاهم في شقتها بمصر القديمة.. واللي سرقهم الخدامة الفلبينية
👇
التالتة.. لوسي
ومقتنعة إن فلوسها من الرقص حلال.. ومش خاېفة ټموت وهي لابسة بدلة رقص.. وبتقول: أنا مش بعمل حاجة ورا الدولاب أو تحت السرير أو فوق السرير.. أنا زيي زي الدكتور والمهندس!
ولوسي عملت فلوسها أيام مجد الكباريهات.. ومعاها أكتر من 100 مليون.. وعندها مطعم في واحد من الأحياء الراقية وكباريه ف شارع الهرم..
وفـ سنة 2003 دفعت مليون جنيه ضرايب على الفلوس الرسمية اللي كسبتها..
واحسب انت اللي مش رسمي بقى.
👇
الرابعة.. صوفينار
وثروتها 20 مليون دولار.. وعملتهم من الرقص والمشاركة فـ الأفلام والظهور فـ البرامج والحفلات الخاصة.
والساعة بتاعتها بـ90 ألف جنيه.. وفـ رأس السنة بتوصل لـ200 ألف.. و70 فـ وصلة الفرح..
أما الحفلة الخاصة فـ بتوصل لربع مليون.
وبسبب الخير اللي شافته ف مصر مش ناوية تسيب البلد أبدا.. وكمان قررت تخفض أسعارها شوية بسبب الغلاء وقالت:
"خلي الناس تفرح"
وصوفينار اتجوزت مرتين.. واتخطبت 4 مرات.. وبتقول إنها متقدرش تعيش من غير راجل أبدا.
👇
الخامسة.. جوهرة
وبتاخد 120 ألف جنيه ف الساعة الواحدة ف حفلات راس السنة.. وبتطلب من 20 لـ35 ألف جنيه للرقص في الفرح.. وثروتها مليون دولار.
وإنتي: يا ترى بقى ثروتك كام؟
